javob sanasi: 08.08.2026
Jinoyat-protsessual kodeksiga ko'ra, jabrlanuvchi sifatida rasman tan olinganingizdan so'ng, sizda bir qator muhim huquqlar paydo bo'ladi: ish materiallari bilan tanishish (tergov tugagach), dalillar taqdim etish, tergov harakatlarida ishtirok etishni so'rash, tergovchi yoki sud qarorlari ustidan shikoyat qilish, hamda eng muhimi - jinoyat natijasida yetkazilgan moddiy va ma'naviy zararni qoplashni talab qilib fuqarolik da'vosi (grajdanskiy isk) qo'yish huquqi. Bu fuqarolik da'vosini aynan shu jinoyat ishi doirasida, alohida sudga murojaat qilmasdan qo'yish mumkin, bu vaqt va xarajatlarni tejashga yordam beradi. Da'vo arizasida tortib olingan pul yoki mulkning aniq qiymatini, agar mavjud bo'lsa tibbiy xarajatlar yoki boshqa zararlarni ko'rsating va buni tasdiqlovchi hujjatlarni ilova qiling. Tergov jarayonida barcha huquqlaringizni to'liq ishlatish uchun, ayniqsa ish murakkab bo'lsa, o'z manfaatlaringizni ifodalovchi vakil (advokat) yollash tavsiya etiladi, chunki jabrlanuvchi vakili tergov va sud jarayonida sizning huquqlaringizni professional tarzda himoya qiladi va fuqarolik da'voni to'g'ri rasmiylashtirishga yordam beradi.
Yur24uz 