javob sanasi: 22.07.2026
"Jismoniy va yuridik shaxslarning murojaatlari to'g'risida"gi qonun hujjatlariga ko'ra, davlat organlari fuqarolar va tashkilotlarning yozma murojaatlarini belgilangan muddat ichida (odatda o'ttiz kun, ba'zi holatlarda qo'shimcha tekshiruv talab qilinsa, bu muddat uzaytirilishi mumkin, lekin bu haqda murojaatchiga xabar berilishi shart) ko'rib chiqishi va javob berishi majburiy hisoblanadi, aks holda bu ularning harakatsizligi (bezdeystvie) sifatida ma'muriy huquqbuzarlik hisoblanadi. Birinchi navbatda ushbu davlat organining yuqori turuvchi organiga yoki rahbariyatiga takroran yozma murojaat yuborib, avvalgi so'rovingiz raqami va sanasini ko'rsatgan holda, javob berish muddati o'tib ketganini bildiring. Agar bu ham natija bermasa, siz Ma'muriy sud ish yuritish to'g'risidagi kodeksga muvofiq, sudga ma'muriy da'vo arizasi bilan murojaat qilib, davlat organining harakatsizligini noqonuniy deb topishni va uni zarur hujjatni taqdim etishga yoki so'rovga javob berishga majburlashni talab qilishingiz mumkin. Bunday da'volarda avvalgi barcha yozishmalaringizni (murojaat nusxalari, pochta orqali yuborilgan bo'lsa - yuborilganlik dalolatnomasi) hujjatli tarzda taqdim etish muhim ahamiyatga ega.
Yur24uz 